بالعربى الكسيح | محمد الطيب الأمين >> نحن نجعل بشرتك مثل بشرة الاطفال ..16/12/2014

بالعربى الكسيح | محمد الطيب الأمين
>>>>>>>>>>>>>>>>>
نحن نجعل بشرتك مثل بشرة الاطفال ..
>>>>>>>>>>>>>>>>>

* من وقت لآخر نحب ان نستريح من الرياضة ونكتب في مواضيع بعيدة عنها ..
* وقبل ان نخوض في موضوع اليوم الذي هو بعيد عن الرياضة نسأل مجلس المريخ: )عملتو شنو في موضوع ولدنا ابراهومة(؟؟
* تحت تحت قالوا الهلال طلب من ابراهومة الاعتذار للمريخ عشان ما يتعاقب ..
* ونرجو من مجلس المريخ ان يقبل اعتذار )ولدنا( ..
* ندخل في الموضوع ..
* في السودان الزول لما )يتخلع( أو )يخاف( أو )يتهجم( بيقول ليك : أضربو كف ..
* في ثقافتنا )الكف( يُعيد توازن الذى فقد توازنه ..
* وفي الغالب الناس )بتكفت( الزول )المهجوم( من حادث الحركة ..
* قبل كده في شارع الظلط قابلت لي زول شغال )كفيت( شديد في الناس ..
* الزول ده واقف قدام باب )الهايس( وأي زول نازل من الهايس هو بيقطع فيهو )كف( ..
* وما في زول فتح خشمو ..
* كفتهم بالصف ..
* واحد ورا التانى ..
* صوت الكف أقوى من صوت )صفقة حِنة العروس( ..
* في النهاية عرفت انو الناس ديل )طالعين من حادث حركة( ..
* مرة برضو بتذكر كنا راكبين لينا حافلة ..
* سيد الحافلة قال الراكب بـ)2( جنيه ..
* والراكب معروف بجنيه ونص ..
* دورنا المشكلة مع الكمسارى .. تدفع ما تدفع بنزلك ما بنزل .. جوطة شديدة ..
* وأثناء الجوطة دي السواق دخل ليهو في ركشة ..
* ونطط عينو ..
* إتخلع .. السواق داير يجرى من الخلعة ..
* نحنا ولا كضبنا إستلمنا ليك السواق ووقعنا فيهو )كفيت( ..
* هو مفتكر أنو نحنا بنكفتو عشان )يستفيق من الخلعة( ..
* هو مفتكر كده ..
* ونحنا في الحقيقة كنا بنكفتو عشان الـ)2( جنيه ..
* كل زول في همو ..
* وللضمان كده كفتنا الكمسارى ذاتو ..
* المهم ..
* أطباء من دولة تايلاند أكدوا أن )الكف( يعالج كثير من الأمراض العضوية والنفسية ..
* وورد في الأخبار أن )الكف( في تايلاند يستخدم ضمن عمليات التجميل ..
* وقد ثبت أن )الكف( يزيل التجاعيد ويحفّز الكولاجين ويكافح السموم ..
* بالاضافة لمقدرة )الكف( على شد الوجه وإزالة النمش وحب الشباب والهالات السوداء ..
* ويمنح )الكف( راحة نفسية للزول )المضروب( والزول )الضارب( ..
* هكذا يقول أطباء تايلاند ..
* وأنا قبل أن اسأل البروف مأمون حميدة من حقيقة هذه المعلومة ومدى صدقها أود أن استفيد من هذا الخبر ..
* وبما انو بنات بلدنا صرفن كل قريشاتهن في الكريمات وأدوات التجميل الآن الحل متوفر ..
* قررنا نحن مجموعة من الأصدقاء ان نساهم في )تجميل( بنات بلدنا لأن الكريمات ضارة بالصحة ولو بعد حين ..
* عندنا علاج بلدى سريع وفعال ..
* والباب مفتوح أمام المذيعات ..
* فتحنا باب )الكفيت( أمام كل مذيعة تبحث عن الجمال والأشراق والنضارة ..
* نحنا مجموعة من الشباب سنعمل على علاج مشاكل الوجه بـ)الكفيت( فكل مذيعة أو فنانة تريد أن تتعالج نحنا جاهزين ..
* نستقبل الحالات من التاسعة صباحا وحتى الخامسة مساء ..
* لا توجد لدينا فروع ..
* ولسنا الوحيدون ولكننا الأفضل في )الكفيت( ..
* نقول وداعا للكوفير ووداعا للكريمات )الديانا واللوكسيد( وغيرها من الكريمات ..
* وداعا للكيماويات والمواد المسرطنة ..
* عزيزتي حواء نحن نجعل بشرتك مثل بشرة الأطفال ..
* فقط زورونا ..
* الثقة لا تصنع الجودة ولكن الجودة تصنع الثقة ..
* وقد وضعنا أسعار معقولة وفي متناول يد الجميع ..
* الكف بـ)عشرة جنيهات( ..
* بنعالج )التجاعيد( من خلال ثلاث جلسات )كفيت( بتستغرق )13( يوم، وفي اليوم بنكفت )المتجعد( سبع مرات ..
* والمفاجأة.. عندنا قسم خاص لسيدات الأعمال والمشاهير ..
* وجناح خاص لتجهيز العروسات ..
* تجهيز العروس بـ)250( ألف فقط ..
* أي واحدة دايرة تتزوج وعندها مشكلات في وجهها بنكفتها لما تبقى كويسة ولو ما بقت كويسة ما تدفع لينا القروش ..
* الحل في العلاج التايلاندى ..
* بالنسبة للأزواج فنحن نقول لهم يمكنك ان تجرب هذا العلاج في زوجتك ..
* والموضوع ده ما بيأخد منك زمن ..
* الصباح لو لقيت زوجتك وشها ما عاجبك طوالى إستخدم العلاج التايلاندى ..
* والزوجة كذلك يمكنها أن تستخدم العلاج التايلاندي مع زوجها ..
* على المستوى الشخصى سأكون متخصص في المذيعات ..
* بحكم الزمالة أحب ان أتخصص في المذيعات ولا مانع عندي في تجهيز الفنانات ..
* بالنسبة لبعض المذيعات سأقوم بعلاجهن بدون قروش ..
* هى خدمة مني لوجه الله تعالى ..
* وأي حالة مستعصية سنستخدم معها )الكف الكيماوى( ..
* الكف الكيماوى اسمو )السودان قفل( ..
* شامل كامل ..
* وده العلاج يا بلاش ..
* غايتو في بنات دايرات )بُونية( عديل ومعاها )شلُوت( كمان ..
* و..و..